اشاعتی معیار

1.کن موضوعات پر تحریریں قبول کی جاتی ہیں

اسم تین شعبوں میں کام کرتا ہے: ادب، سماج اور موسیقی۔ ہر وہ تحریر جو ان میں سے کسی ایک سے سنجیدہ تعلق رکھتی ہو، غور کے لیے قبول ہے۔

• ادب — تنقید، تحقیق، تخلیقی نثر، شاعری پر مباحث، متن شناسی۔
• سماج — تہذیبی و ثقافتی مطالعات، لسانیات، تاریخ، سماجی بیانیے۔
• موسیقی — کلاسیکی و لوک موسیقی کی تحقیق، راگ داری، گھرانوں کی روایت، موسیقی کی تاریخ۔

2.بنیادی شرائط

تحریر کا معیار ہی واحد بنیاد ہے جس پر فیصلہ کیا جاتا ہے۔ لکھنے والے کا نام، عہدہ یا ادارہ اس فیصلے میں شامل نہیں ہوتا۔

• تحریر آپ کی اپنی ہو۔ سرقہ کسی بھی صورت قبول نہیں۔
• اگر تحریر پہلے کہیں شائع ہو چکی ہے تو ارسال کرتے وقت اس کی صراحت کریں۔
• تحقیقی تحریروں میں حوالے مکمل اور قابلِ تصدیق ہوں۔
• دوسروں کے کام سے اقتباس لیتے وقت اسے واضح طور پر اقتباس کے طور پر پیش کریں۔
• زبان صاف اور قابلِ فہم ہو؛ املا کی یکسانی مطلوب ہے مگر لازمی شرط نہیں — اس میں ادارتی معاونت دستیاب ہے۔

3.ادارتی جائزے کا طریقۂ کار

ہر تحریر پڑھی جاتی ہے۔ کوئی تحریر خودکار طور پر شائع یا مسترد نہیں ہوتی؛ فیصلہ ہمیشہ مدیر کرتا ہے۔

جائزہ عام طور پر دو سے چار ہفتوں میں مکمل ہو جاتا ہے۔ فیصلے کی اطلاع اسی ای میل پتے پر دی جاتی ہے جو فارم میں درج کیا گیا ہو۔

• منظوری — تحریر ادارتی ترتیب کے بعد آپ کے نام سے شائع کر دی جاتی ہے۔
• ترمیم کی تجویز — تحریر واپس بھیجی جاتی ہے، اور نظرثانی کے بعد دوبارہ جائزہ لیا جاتا ہے۔
• معذرت — تحریر شائع نہیں کی جاتی، اور وجہ بتائی جاتی ہے۔

4.مصنف کے حقوق

تحریر کی ملکیت ہمیشہ مصنف کی رہتی ہے۔ اسم صرف اشاعت اور محفوظ رکھنے کا حق حاصل کرتا ہے۔

آپ اپنی تحریر کہیں اور بھی شائع کر سکتے ہیں، بشرطیکہ اسم کی اشاعت کا حوالہ دیا جائے۔ اگر آپ تحریر ہٹوانا چاہیں تو رابطہ کیجیے؛ درخواست پر غور کیا جائے گا۔

5.ادارتی ترمیم کی حدود

ادارہ املا، اوقاف، سرخیوں اور ترتیب میں معمولی ترمیم کر سکتا ہے۔ مفہوم، دلیل یا مصنف کے مؤقف میں تبدیلی مصنف کی اجازت کے بغیر نہیں کی جاتی۔

اگر بڑی ترمیم ضروری ہو تو تحریر «ترمیم کے لیے واپس» بھیجی جاتی ہے، تاکہ تبدیلی مصنف خود کرے۔

6.اشاعتی فیس

اسم کسی تحریر کی اشاعت کے لیے کوئی فیس وصول نہیں کرتا، اور نہ ہی اس وقت مصنفین کو معاوضہ ادا کرنے کی سہولت رکھتا ہے۔ یہ ایک علمی و ادبی خدمت ہے۔